İngiltərənin "Arsenal" klubunun baş məşqçisi Unay Emeri onunla Məsut Özil arasında münaqişənin olduğuna dair iddiaları təkzib edib.

Sportnet.az xəbər verir ki, ispaniyalı mütəxəssis türk əsilli yarımmüdafiəçi ilə çox yaxşı anlaşdığını açıqlayıb.

"İnsanların barəmizdə dediklərini müzakirə etməyə vaxtım yoxdur. Məsutla çox yaxşı münasibətlərim var. Oyunlarda ən yaxşı keyfiyyətlərini göstərməsindən ötrü onu bir peşəkar olaraq, inkişafa sövq edirəm. Özil digər oyunçular kimi, məşqlərdə yaxşı çalışır, kollektiv çalışmaları yerinə yetirir" deyə Emeri bildirib.

Qeyd edək ki, Məsut Özil bu mövsüm İngiltərə Premyer Liqasında 3 oyunda forma geyinsə də, məhsuldarlığı ilə yadda qalmayıb.