Ana səhifə İdman |
"Bizim Avropa Liqasının qrup mərhələsində planlarımız var". Apasport.az saytının məlumatına görə, bu sözləri "Dnepr"in müdafiəçisi Artyom Fedeskiy deyib.
Dnepropetrovsk təmsilçisinin futbolçusu ötən gün Ukrayna Premyer
Liqasında XI turunda evdə Kiyev "Dinamo"suna 0:3 hesabı ilə məğlub
olmalarından danışıb.
29 yaşlı oyunçu Avropa Liqasının qrup mərhələsinin IV turunda
Bakıda "Qarabağ"la oyunun çətin olacağını bildirib: "Qarabağ"la
matçda qələbəyə oynayacağıq. Əgər biz qrup mərhələsinin öhdəsindən
gəlmək istəyiriksə, "Qarabağ"a qalib gəlmək lazımdır. Bundan sonra
bizim "Şaxtyor"la matçımız olacaq. Anlayırıq ki, indi bizi nələr
gözləyir. Sonra mübarizə aparmaq gərəkdir. Futbolda heç kim
uduzmağı sevmir, amma bu, bizim peşəmizdir. Bu gün qalib gəlirsən,
sabah isə uduzursan".
Qeyd edək ki, "Dnepr" Avropa Liqasının qrup mərhələsinin IV turunda
Bakıda "Qarabağ"ın qonağı olacaq. Qarşılaşma saat 22:00-da
başlayacaq.
Tarix
2014.11.03 / 02:00
|
Müəllif
Axar.az
|