Bakı kimin xoşuna gəlməyə bilər? Mən Bakıya Vladislav Tryotkomla birgə Azərbaycan Qış İdman Növləri Federasiyası​ prezidentinin dəvəti ilə getmişdim. Avropa Oyunlarının açılışı çox gözəl idi, hər şey əla idi. Gördüklərimdən həzz aldım.

Axar.az xəbər verir ki, bu barədə SSRİ-nin fiqurlu konkisürmə üzrə əməkdar məşqçisi Tatyana Tarasova "Moskva-Bakı" müxbirinə açıqlamasında deyib.

Tarasova Bakının onun xoşuna gəldiyini, fiqurlu konkisürmə idman növünün də Azərbaycanda sürətlə inkişaf etdiyini bildirib:

"Bu idman növü çox sürətlə inkişaf edir, yaxşı potensial var. Hesab edirəm ki, növbəti Qış Olimpiya Oyunlarında Azərbaycanı artıq yerli kadrlar təmsil edəcək".