Yuxarı

Xalq artisti: “Atam məni aldadırdı ki...”

Ana səhifə Kult
12 Punto 14 Punto 16 Punto 18 Punto

Uşaqlığım tez gəldi keçdi. Mən uşaqlıq görmədim. Çünki gözümü açandan - 3 yaşımdan atam əlimdən tutub dövlət televiziyasında radioya səsyazma studiyasına gətirdi. Atam Aşıq Məzahir uşaqlıqdan bizim hamımızı sənətə yönəldib.

Axar.az xəbər verir ki, bunu Azərbaycanın xalq artisti, muğam ifaçısı Mələkxanım Eyyubova ATV-də yayımlanan "Ondan sonra" verilişində uşaqlığı haqda danışarkən deyib. O, uşaqlıq və gənclik dövrünün sənətdə keçdiyini bildirib:

- Hətta atam məni radioya gətirərkən aldadırdı ki, gedək, mən sənə şokolad alacam, gəl oxu. Bir dəfə nə qədər elədilər, səs yaza bilmədilər. Çünki oxuyub qurtarmamış deyirdim, şokoladımı verin də.

Uşaq vaxtımdan qardaşımla festivallarda iştirak edirdik, özfəaliyyət dərnəklərinə gedirdim. Musiqi məktəbinə qoydular, qarmon sinfinə. Bir yandan oxuyurdum, bir yandan musiqi ifa edirdim. Digər tərəfdən məktəbə gedirdim. Bilmirəm uşaqlığım necə keçib, ancaq böyük səhnələrdəydim. Bir də gördüm ki, məktəbi bitirirəm və artıq universitet vaxtı gəlir. Bir göz qırpımında keçdi. Amma sənətdə, sənətkar ailəsində böyüdüm, sənətlə yetişdim. Mənim qulağım, beynim, ürəyim – bütün düşüncəm muğamla, aşıq musiqisi ilə, sənətlə bağlı oldu.

Müğənni sənətdə qalmasından da danışıb:

- Məktəb evdən başladı. O vaxt qız uşağı üçün bir az çətin dövr idi. Bir az başa düşəndən sonra dedim, yox, mən bu sənətə gələ bilmərəm. Atam o qədər təkid elədi ki! Həyatda birinci atam, ailə qurandan sonra isə həyat yoldaşım qoymadı bu sənətdən geri çəkilim.

Tarix
2016.11.02 / 15:01
Müəllif
Aytac Qədirova
Şərhlər
Digər xəbərlər

Əliyev güclü liderdir, sözünün ağasıdır - Solonnikov

Nikol "bu həftə müharibə olacaq" dedi - Rusiyadan reaksiya

Paşinyan Stoltenberqlə görüşdü

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla