Məşhur azərbaycanlı komediya aktyoru Babək Nəhreyn azərbaycanlıları öz milli kimliklərini qorumağa səsləyib.

Kult.az xəbər verir ki, aktyor bu sözləri öz İnstaqram səhifəsində paylaşıb.

“Yoxsulluq budur ki, Təxt-i Cəmişidi (Əhəməni hökmdarı Kirin sarayı – red.) görmək üçün iki min kilometr yol gedəsən, ama Ərk-i Əlişah (Ərk qalası – red.), Qonbəd-i Sultaniyyə (Sultaniyyə günbəzi – red.), Zəhak qalası, Şeyx Səfi türbəsi və Rübb-Rəşidini (Rəşidəddin Universiteti – red.) tanımayasan.

Yoxsulluq budur ki, Urmiya gölü quruya, sən isə Fars körfəzi kampaniyasına qoşulasan.

Amma ən böyük yoxsulluq nədir?

Ən böyük yoxsulluq budur ki, türk olasan, öz türk komandan “Traxtur”u boşlayıb “İstiqlal”çı və ya “Perspolis”çi olasan”, – deyə o bildirib.