Ana səhifə Kult |
Məşhur rus yazarı Boris Akunin yardım kampaniyası çərçivəsində "Paylaşmağa hazırıq" şüarı ilə təşkil edilən auksionda Fandorin romanları şəklində yazacağı yeni romanında bir adamın adını qəhrəmanına vermə imkanını 9700 dollara satıb.
Axar.az Lenta.ru saytına istinadən xəbər verir ki, Akunin alğı-satqını ötən gün həyata keçirdiyini deyib: "Dünən bir adam mənim lotoma 9700 dollar verib satın alıb, bu çox gözəl şeydir. Amma ad hələ ki, mənə də açıqlanmayıb və buna görə əsəbiləşirəm. Qəhrəmanıma İzumrud Yahontov (Zümrüd Yaxudov) adını verməyim başqa, Matilda Hrüşkina adını verməyim başqa bir şeydir".
Hrüşkina soyadına qarşı olmadığını bildirən yazar bu adı istifadə etdiyi halda hekayənin çox fərqli yöndə inkişaf edəcəyini və təşkilatçılardan tələsməli olmalarını istəyib.
Qeyd edək ki, B.Akunin Azərbaycan oxucusuna da yaxşı tanışdır. Dedektiv Erast Petroviç Fandorinin yaşadıqlarından bəhs edən silsilə romanlar yazara məşhurluq gətirib.
Tarix
2014.12.17 / 01:59
|
Müəllif
Nilufər Muğantürk
|