İnsan nə qədər azğınlaşmalıdır ki, başqasının adından utanmadan yalan, şər-böhtan sözlər yazsın!

Axar.az xəbər verir ki, bu sözləri əməkdar artist Elza Seyidcahan onun adından diferensiallaşma prosesi ilə bağlı şeir paylaşanlar haqda rəsmi İnstaqram səhifəsində yazıb. O, həmin insanları məhkəməyə verəcəyini bildirib:

“Darıxma, tezliklə sənin hansı şaircik olduğun məlum olacaq. Elza Seyidcahanın təmiz adına ləkə gətirmək istəyirsən? Nə səbəbə? Paxıllıq, əclaflıq rahatlıq vermir sənə? Səni hüququmuzun keşiyində duran qanun orqanlarımız yerində layiqli oturdar. Onsuz da Elza Seyidcahanı tanıyanlar, bilirlər ki, sənin boşboğazlığın Elza Seyidcahanın dəsti-xətti deyil”.

Qeyd edək ki, sosial şəbəkələrdə dəfələrlə Elza Seyidcahanın adından şeirlər paylaşılıb.