Hamınızı salamlayıram, sizi çox sevirəm. Əslində, yaxşı şey az olmalıdır. Mən də ona görə görüşünüzə az-az gəlirəm.

Axar.az xəbər verir ki, bu sözləri əməkdar artist Röya Ayxan nə üçün efirdə az görünməsi haqda "Şou məkan" verilişində danışarkən deyib. O, həmişə efirdən öncə həyəcan keçirdiyini bildirib:

"Bir həftə bundan qabaq ağlaya-ağlaya pilləkənləri qalxıram, deyirəm ki, bəlkə, konsertə tez hazırlaşdım, bəlkə, bir aydan sonra edim? Sonra deyirəm, Allah böyükdür, mən nə qədər çətin işin altından çıxdım.

Mahnını oxuduğum vaxt başa düşürəm ki, həmin mahnı hər kəsin ürəyinə girəcək, bu mahnı hitdir. Hamısını əvvəlcədən bilirəm, ancaq bir müddət sonra özüm mahnının içinə girirəm. Bir neçə il sonra konsert zamanı, özümdən soruşuram ki, mən nə oxumuşam, bunu necə oxumuşam?"