"Reina" teraktçısı Əbdülqadir Maşaripovun adı Özbəkistanda axtarışda olanların siyahısında olub.

Axar.az xəbər verir ki, bu barədə Özbəkistanın təhlükəsizlik orqanlarında çalışan bir səlahiyyətli nümayəndə məlumat verib.

Maşaripovun Əfqanıstanda terror təşkilatlarına üzv olması səbəbindən Özbəkistanda axtarışda olduğu vurğulanır.

“Əbu Məhəmməd Əl Xorasani” kod adlı terrorçu Özbəkistanın şərqində yerləşən Kokand şəhərində qeydiyyatda olub.

Qeyd edək ki, Yeni il gecəsi 39 nəfərin həlak olduğu “Reina” qətliamını törədən “Əbu Məhəmməd Əl Xorasani” kod adlı terrorçu – Əbdülqədir Maşaripov dünən gecə İstanbulda yaxalanıb.