Britaniya Qara dənizə HMS Diamond esminesini göndərməklə ABŞ qüvvələrinin yerini bilmək, həmçinin özünün döyüş qabiliyyətli donanmaya malik olduğunu və Ukrayna milliyətçilərinə dəstək verdiyini nümayiş etdirmək istəyir.

Axar.az xəbər verir ki, bu sözləri Donanmaya Dəstək Ümumrusiya Hərəkatının sədri Mixail Nenaşev deyib.

“Birləşmiş Krallıq bununla müasir donanmaya malik olduğunu sübut etmək istəyir. Lakin əsas məsələ ondadır ki, Britaniyada siyasi qarışıqlıq hökm sürür. “Breksit” qərarından sonra hər şey əks məcrada hərəkət edir. Miqrant axını ilə bağlı qeyri-sabitlik var. Deyəsən, Britaniyadakı hakim təbəqə İraq və Liviyada törətdiklərini unudub. Bütün olanları təhlil edərək deyə bilərəm ki, Britaniya indi də Ukraynanın şərqində Rusiyaya qarşı yeni təxribatlar törətməyi planlaşdırır”, - rusiyalı siyasətçi qeyd edib.

Xatırladaq ki, “Sandey Meil” qəzeti Brinatiyanın Ukrayna sahillərinə esmines göndərəcəyi barədə xəbər yayıb.