Con Makkeyn və Lindsi Qrem Üçüncü Dünya müharibəsini başlatmaq istəyirlər.

Axar.az xəbər verir ki, bu sözləri öz Tvitter səhifəsində ABŞ Prezidenti Donald Tramp paylaşıb. O, senatorların immiqrasiya məsələlərindən xəbəri olmadan onu tənqid etdiyini bildirib:

“Daim Üçüncü Dünya müharibəsini başlatmağa cəhd etmək yerinə bu senatorlar bütün diqqətlərini İŞİD terror təşkilatı ilə mübarizəyə yönəltməlidirlər. Onlar həmçinin qeyr-leqal immiqrasiya və sərhədlərimizdə təhlükəsizlik məsələlərinə nəzər yetirməlidirlər”.

Qeyd edək ki, hər iki respublikaçı senator Trampın bəzi müsəlman ölkələrinə qoyduğu viza qadağasını sərt tənqid edib.