Rusiyanın Xarici İşlər naziri Sergey Lavrov ABŞ Prezidenti Donald Trampın Suriyada təhlükəsiz bölgə yaratmaq barədə səsləndirdiyi fikirlərə münasibət bildirib.

Axar.az xəbər verir ki, Moskva rəsmisi bunun üçün rəsmi Dəməşqlə danışıqlar aparmağın vacib olduğunu deyib:

“Qaçqınların özlərini təhlükəsiz hiss edə biləcəyi bölgə yaratmaq üçün Suriya hökuməti ilə razılığa gəlmək lazımdır”.

Xatırladaq ki, Donald Tramp Avropa və ABŞ-a miqrant axınının qarşısını almaq üçün Suriyada təhlükəsiz bölgə yaratmaq barədə təklif irəli sürüb. Artıq Səudiyyə Ərəbistanı və Qətər Trampın bu fikrini dəstəkləyib.

Bu ideya Suriya konfliktinin ilk vaxtından Türkiyə Prezidenti Ərdoğan tərəfindən ilk olaraq dilə gətirilmişdi.