ABŞ kəşfiyyat orqanları bu ölkədəki səfirimiz Sergey Kislyakı müntəzəm olaraq dinəyirdilər.

Axar.az xəbər verir ki, bu sözləri Rusiya Xarici İşlər naziri Sergey Lavrov deyib.

“Amerikalı kəşfiyyatçılar konkret ad çəkməsələr də, dinləmələrlə bağlı rəsmi şəkildə açıqlama verdilər. Onlar səfir Kislyakın Moskvaya ötürdüyü məlumatları müntəzəm olaraq dinləyirdilər”, - XİN rəhbəri bildirib.

Qeyd edək ki, ABŞ prezidentinin milli təhlükəsizlik məsələləri üzrə müşaviri vəzifəsində çalışan Maykl Flin bir həftə öncə istefa verməsi ilə bağlı açıqlama yaymışdı. Kəşfiyyatçı bəyanatında Kislyakla bağlı Ağ Evə lazımı məlumatları ötürmədiyinə görə vəzifədən getdiyini ifadə etmişdi.