Ana səhifə Planet |
ABŞ Baş Prokurorluğu Dövlət Departamentinin əməkdaşı Kandis Marie Klabornun Çinə kəşfiyyat məlumatları ötürdüyünü müəyyən edib.
Axar.az xəbər verir ki, qadın əməkdaş dostunun yardımı ilə FTB-nin araşdırmasını ləngidib və hüquq-mühafizə orqanlarına yalan məlumat verib.
Baş prokurorun müavini Mari B.MakKord gizli məlumatların müxtəlif hədiyyələr qarşılığında Pekinə ötürüldüyünü bildirib:
“O öz vəzifəsindən şəxsi mənafeyi naminə istifadə edib. Xidmətə başladığı 1999-cu ildən bəri ən azı 2 dəfə Çinlə əlaqə yaradıb. Çinlilər son 5 il ərzində Klaborn və ailəsinin hesabına on minlərlə dollar köçürüb. Ayfon və noutbuklar hədiyyə edilib. Müxtəlif turistik səyahətlərin maliyyəsini də çinlilər qarşılayıb”.
Qeyd edək ki, FTB-nin onun izinə düşdüyünü öyrənən qadın internetdə olan bütün elektron poçt yazışmalarını silib. Əgər qadının günahı sübuta yetirilərsə, onu 25 illik həbs cəzası gözləyir.
Tarix
2017.03.30 / 23:22
|
Müəllif
Kamran Ədalət
|