İnformasiyaya çatımlılıq insanın ən təbii haqqıdır.

Axar.az xəbər verir ki, bu sözləri Vikipediyanın qurucusu Cimmi Vels rəhbəri olduğu saytın Türkiyədə bağlanması ilə bağlı açıqlamasında bildirib.

“Türkiyə xalqının bu haqqının qorunması ilə bağlı həmişə mübarizə aparacağam”, - Vels bildirib.

Qeyd edək ki, bu gün qardaş ölkənin İnformasiya Texnologiyaları və Rabitə Qurumu ölkə ərazisində Vikipediyanın girişinə qadağa qoyulması ilə bağlı qərar qəbul edib. Buna səbəb Türkiyənin terrorla mübarizəsinə kölgə salan, imicini ləkələyən məlumatların yerləşdirilməsidir. Rəsmi şəkildə elan edilib ki, əgər sözügedən məlumatlar silinərsə, Vikipediyaya giriş bərpa ediləcək.