Ana səhifə Planet |
Rusiya ilə anlaşmaq mümkündür.
Axar.az xəbər verir ki, bu sözləri ABŞ Prezidenti Donald Tramp deyib.
“Rusiya ilə birlikdə hərəkət edəcəyəm. Çinlə də ola bilər. Yaxud fərqli qruplarla da birlikdə ola bilərik”, - Ağ Ev rəhbəri bildirib.
Milyarder prezident seçki dönəmində Rusiya ilə əlaqələrinin olması barədə yayılan məlumatları uydurma adlandırıb. Hillari Klintonun seçki qərargahının rəhbəri olmuş şəxsin - Con Podestanın qardaşı ilə birlikdə Rusiyada şirkəti olduğunu bildirən Tramp sözlərinə belə davam edib: "Hillarinin əri (Bill Klinton) Rusiyada pul qarşılığında çıxış edib, özü isə Rusiya ilə nüvə razılaşması imzalayıb. Amma heç kim bunlardan danışmır".
Xatırladaq ki, ABŞ-da prezident seçkiləri dönəmində Rusiya hakerlərinin Trampın xeyrinə prosesə müdaxilə etməsi ilə bağlı məlumatlar yayılmışdı.
Hər iki tərəf bu yöndə yayılan informasiyaları təkzib etmişdi.
Tarix
2017.05.01 / 00:59
|
Müəllif
Kamran Ədalət
|