ABŞ Prezidenti Donald Trampın ilk xarici səfəri bu gün başlayır.

Axar.az xəbər verir ki, Tramp sələflərindən fərqli olaraq ilk xarici səfərini Səudiyyə Ərəbistanına edəcək. Şənbə günü o, Səudiyyə Ərəbistanı kralı Salman ben Abdel Əziz əs-Səudla görüşəcək. Axşam isə Tramp həyat yoldaşı Melaniya ilə birlikdə kral ailəsinin verdiyi rəsmi şam yeməyində iştirak edəcək.

Bazar günü ABŞ lideri Fars körfəzinin Ərəb Dövlətləri Şurasının liderləri ilə görüşəcək. O, həmçinin dünyanın 50-yə yaxın islam ölkəsi liderinin qarşısında çıxış edəcək.

Qeyd edək ki, Tramp Ər-Riyaddan İsrailə, oradan isə Brüssel və Vatikana yollanacaq.