“Aslan Nəfərlər Tim” adlı türklərdən ibarət haker qrupu Yunanıstan Baş nazirliyinin rəsmi saytına kiberhücum təşkil edib.

Axar.az xəbər verir ki, qruplaşma hücuma səbəb kimi Yunanıstan tərəfinin “Ayasofiya” məbədində azan verilməsinə və Qurani-Kərimin oxunmasına qarşı çıxmasını göstərib.

“Ayasofiyada Quran və azan oxuduq deyə etiraz edən Yunanıstanın cavabını vermək bizə düşər. Çipras çaşma, səbrimizi tükəndirmə”, - deyə hakerlərin mesajında bildirilib.

Qeyd edək ki, Yunanıstanın bir sıra rəsmi şəxsləri Ramazan ayında Ayasofiya məbədində Quran və azan oxunmasına qarşı çıxdıqlarını açıq şəkildə ifadə etmişdilər.