Türkiyə və Qətər Silahlı Qüvvələri uzun müddətdir nəzərdə tutulan hərbi təlimlərə start verib.

Axar.az xəbər verir ki, təlimdə 250-yə yaxın Türkiyə hərbçisi iştirak edəcək. Təlimlərə həmçinin 30-dan çox zirehli texnika da cəlb olunacaq.

Hərbi təlimlərin keçirilməsində məqsəd İŞİD-ə qarşı yaradılan beynəlxalq koalisiya üzvü olan Türkiyə ilə Qətər arasındakı əməkdaşlığın inkişaf etdirilməsidir.

Təlimlərin birinci mərhələsində quru, daha sonra isə dəniz qüvvələri fəaliyyət göstərəcək.

Qeyd edək ki, bir müddət əvvəl Türkiyə ilə Qətər ortaq hərbi baza yaratmışdı. Qətərdə qurulan bazada ortaq hərbi təlimlərin keçirilməsi nəzərdə tutulurdu.