İranın İsfahan şəhərində hovuzda birlikdə çimib şənlənən 64 qız və oğlan yaxalanıb.

Axar.az xəbər verir ki, bu barədə İsfahan polisinin məlumatında bildirilib.

“Əxlaqsızlığı və fahişəliyi yaymaq məqsədilə” yarıçılpaq şəkildə hovuzda bir araya gələn qız və oğlanlar alkoqollu içkilər içdikdən sonra birlikdə çimib əylənərkən və rəqs edib şənlənərkən polislər tərəfindən saxlanılıb”, - məlumatda qeyd olunub.

Saxlanılan qız və oğlanların adları açıqlanmayıb.

Qeyd edək ki, 2016-cı ilin iyun ayından bu günə kimi İranın müxtəlif şəhərlərində polisin qız və oğlanların birgə qatıldığı gecə qonaqlıqlarına, banketlərə və ad günü mərasimlərinə hücumunda ən azı 1500-dən çox insan həbs edilib.