03.06.12. 12:22

Ukrayna Daxili İşlər Nazirliyinin "Azov" batalyonunun komandanı müavini Yaroslav Qonçar hazırda Rusiya ərazisində olan yüzlərlə terrorçunun Ukrayna sərhədlərini keçməyə hazırlaşdıqlarını bildirib.

Axar.az-ın Ukrayna mediasına istinadən verdiyi məlumatına görə, o bu barədə Feysbuk səhifəsində xəbər yerləşdirib.

Onun sözlərinə görə, separatçıların 20 ədəd "KamAZ" yük maşınından ibarət kolonnanın bu gün, ya da sabah Luqansk vilayətinin Dyakovo- Dmitrovka hissəsindən Ukrayna ərazisinə soxulması gözlənilir. O, terrorçuların hətta bu gün dövlət sərhədini keçəcəyini narahatlıqla dilə gətirib.

Qonçar bildirib ki, 800 nəfər döyüşçünün maneəsiz Ukrayna ərazisinə soxulması üçün yerli separatçılar Snejnidə lazımı hazırlıq işlərini həyata keçirməkdədirlər.

***

01.15

Bu dəqiqələrdə Ukrayna mediasının yerli şahidlərə istinadən xəbərinə görə, avtomobil karvanı artıq sərhəddi rahatlıqla keçə bilib. Vurğulanır ki, həmin vaxt Rusiyaya məxsus daha 5 BTR də sərhəddi keçməyə müvəffəq olub. Təşviş içində olan yerli əhali bildirib ki, Provalye və Kalinino qəsəbələrində sərhədlərin qorunması ümumiyyətlə yox dərəcəsindədir. Terrorçula çox asanlıqla Ukrayna dövlət sərhəddini keçə bilirlər.