Rusiya xüsusi təyinatlıları Dağıstanın Kızılyarskoye rayonunda "Qafqaz İmarəti" döyüşçülərinə qarşı növbəti əməliyyat keçiriblər.

Axar.az xəbər verir ki, bu barədə informasiyanı çeçen mücahidlərinə yaxın saytlar yayıb.

Məlumatda hər iki tərəfdən bir nəfərin öldürüldüyü bildirilib. Döyüşdə dərhal sonra rayonun Kosyakino, Kuzmiçevka və Pervokızılyarskoye məntəqələrində fövqəladə hal elan olunub.

Qeyd edək ki, Rusiya xüsusi təyinatlıları bir neçə aydır Dağıstan və Çeçenistan ərazilərində mücahidlərə qarşı əməliyyatlar həyata keçirirlər. Qərb mətbuatı bu əməliyyatların əsl məqsədinin bölgədəki radikal islamçıların Putin rejimi ən böyük təhlükə olması ilə əlaqələndirib.