Ana səhifə Planet |
Sutka ərzində “Dünyanın ən zəngin insanları” siyahısının ilk 8 pilləsində qərarlaşan şəxslər var-dövlətlərini daha 8.3 milyard dollar həcmində artıra bilib.
Axar.az xəbər verir ki, bu barədə “Forbes” informasiya verib. Nəşrin məlumatına görə, milyarderlərin sərvətinin bir sutkada bu qədər artmasına səbəb şirkət səhmlərinin qiymətlərinin qalxmasıdır.
Siyahının lideri Bill Qeytsin şirkət səhmlərinin dəyəri 1.05 faiz yüksəlib və sərvəti 277 milyon dollar artaraq 85.3 milyard dollara çatıb. “Amazon” şirkətinin prezidenti Cef Bezosun sərvəti 83.3 milyard dollar, Uorren Barretin sərvəti isə 926 milyon dollar artaraq 76.4 milyard olub.
Sutka ərzində sərvətini ən çox artıran isə “Zara” brendinin sahibi Amansio Orteqa olub. Onun ötən gün ərzində gəliri 2.2 milyard dollar artaraq 82.2 milyard dollar təşkil edib.
Qeyd edək ki, “Forbes” jurnalının tərtib etdiyi “Dünyanın ən zəngin insanları” adlı siyahının ilk onluğunda bu yüksəlişlərdən sonra heç bir dəyişiklik olmayıb.
Tarix
2017.09.13 / 21:03
|
Müəllif
Orxan Tağıyev
|