Odessa əyalətinin keçmiş qubernatoru Mixail Saakaşvili məhkəmənin ölkə sərhədlərini qanunsuz olaraq keçməsi ilə bağlı təyin etdiyi 3400 qrivna cəzaya etiraz edəcək.

Axar.az xəbər verir ki, bu barədə Saakaşvilinin vəkili Markiyan Qalabala informasiya verib.

“Birmənalı olaraq etiraz edəcəyik. Apelyasiya şikayəti yazırıq. Bizim bunun üçün 10 gün vaxtımız var”, - vəkil bildirib.

Qeyd edək ki, bir qədər əvvəl Mixail Saakaşvilinin Ukraynaya qanunsuz daxil olduğu bildirilmişdi. Əvvəlcə onun barəsində cinayət işinin qaldırılacağı bildirilsə də, sonradan məhkəmə 3400 qrivna (130 dollar) cərimə kəsməklə kifayətlənmişdi