Türkiyə Krımdan gələn gəmilərin ölkə limanlarına daxil olmasına qadağa qoyub.

Axar.az xəbər verir ki, bu sözləri Türkiyə Ticarət və Birjalar Birliyinin adı çəkilməyən nümayəndəsi RİA-ya açıqlamasında deyib.

O bildirib ki, bununla bağlı bütün liman rəhbərliklərinə və dənizçilik təsisatlarına təlimat verilib.

Qərarın Türkiyə lideri Rəcəb Tayyib Ərdoğanın Ukrayna səfəri ilə əlaqəsinin olmadığı bildirilib.

Məlumata görə, Türkiyə hökuməti qeyri-qanuni yük daşımalarının qarşısını almaq üçün belə bir addım atıb.

Qeyd edək ki, Ərdoğan Ukraynaya səfəri zamanı Krımın Rusiyaya “məxsusluğunu” heç vaxt qəbul etməyəcəyini bildirmişdi.