Əgər müraciət olarsa, Abxaziya Kataloniyanın müstəqilliyini tanıya bilər.

Axar.az xəbər verir ki, bu sözləri qondarma “Abxaziya Respublikası”nın xarici işlər nazirinin müavini Kan Taniya deyib.

O bildirib ki, bununla bağlı danışmaq hələ tezdir:

“Əvvəlcə Kataloniya hökumətinin mövcudluğunu təmin edən xeyli normativ-hüquqi aktlar qəbul edilməlidir. Öncə onlar özlərini müstəqil dövlət hesab etməlidir. Bundan sonra əgər müraciət olarsa, biz əlbəttə ki, Kataloniyanın müstəqilliyini tanımağa hazırıq”.

Qeyd edək ki, bu gün İspaniya hökuməti Kataloniya muxtariyyətinin və parlamentinin ləğvi barədə qərar qəbul edib.