Əl Qaidə terror təşkilatının keçmiş lideri Üsamə Bin Ladenin oğlu Həmzənin gənclik görüntüləri ortaya çıxıb.

Axar.az xəbər verir ki, görüntüləri ABŞ Mərkəzi Kəşfiyyat İdarəsi yayıb. MKİ bu görüntülərin 2011-ci ildə Pakistanın Abbotabad şəhərindəki xüsusi əməliyyat zamanı ələ keçirilən kompüterdən götürüldüyünü bildirib. Həmzə Bin Ladenin indiyə qədər yalnız uşaqlıq görüntüləri dünya kəşfiyyat təşkilatlarının əlində olub.

Qeyd edək ki, bundan öncə MKİ Üsamə Bin Ladenin kompüterindəki məlumatları ictimailəşdirib. İctimailəşdirilən məlumatlar arasında Bin Ladenin gündəlikləri də olub.

MKİ həmçinin bəzi sənədləri təhlükəsizlik məqsədi ilə yayımlanmadığını açıqlayıb. Yayımlanmayan sənədlər arasında pornoqrafik görüntülərin olduğu da vurğulanıb.

Bin Ladenin kompüterində həmçinin “Qarışqa”, “Betmen Qotham cəngavəri”, BBC-nin “Böyük vəhşi həyat xatirələri”, “Üsamə Ben Laden bioqrafiyası”, “Avtomobillər”, CNN-nin “Dünyanın ən çox axtarılan adı”, “Son Fantaziya VII”, “Buz dövrü dinozavrların şəfəqi” filmləri də aşkarlanıb.