Vyetnamda keçirilən 25-ci Asiya Sakit Okean İqtisadi Əməkdaşlıq sammitində Rusiya və ABŞ prezidentləri Suriya ilə bağlı birgə bəyanatı təsdiq ediblər.

Axar.az xəbər verir ki, Kreml sözcüsü Dmitri Peskov prezidentlərin şəkil çəkdirməzdən əvvəl Suriya mövzusunda qısa söhbət apardığını açıqlayıb.

Sənədi Rusiya və ABŞ ekspertləri birgə hazırlayıblar və daha sonra Rusiya Xarici İşlər naziri Sergey Lavrov və ABŞ Dövlət katibi Reks Tillerson tərəfindən yekun razılıq əldə olunub.

Suriyadakı vəziyyətlə bağlı birgə bəyanat xüsusi olaraq ölkə başçılarının görüşü üçün hazırlanıb.

Qeyd edək ki, bir qədər əvvəl Trampla Putinin görüşündə əsas gündəm maddələrindən birinin Suriya məsələsi olduğu bildirilmişdi.