Ana səhifə Planet |
Kolumbiyada hava limanına atılmış it sahibinin həsrətindən ölüb.
Axar.az xəbər verir ki, bu barədə informasiyanı “NoticiasRCN” saytı yayıb. İt 1 ay ərzində öz sahibinin geri dönməsini hava limanında gözləyib. Bu dövr ərzində isə o, sərnişinlərdən və hava limanı əməkdaşlarından həvəslə qida qəbul edib. 1 aydan sonra arxasınca heç kimin gəlmədiyini görən it hava limanının bir küncünə çəkilərək qida qəbulundan imtina edib. İtin səhhətinə görə böyük narahatlıq keçirən hava limanı işçiləri veterinarlara müraciət ediblər. Bundan sonra bir neçə həftə ərzində klinikada it süni şəkildə qida qəbul etməyə başlayıb. Bütün cəhdlərə rəğmən itin səhhəti düzəlməyib və o ölüb.
Veterinarlar itin ölümünün xəstəliklə bağlı olmadığını açıqlayıblar. Onların fikrincə, ölümə heyvanın ağır psixoloji vəziyyəti səbəb olub.
Tarix
2017.11.19 / 01:55
|
Müəllif
İlkin Həsənov
|