Ana səhifə Planet |
Rusiyada 2018-ci ildə keçiriləcək prezident seçkilərində namizəd olacağını açıqlayan teleaparıcı Kseniya Sobçak ölkə başçısının dekabrın 14-də baş tutacaq illik mətbuat konfransında iştirak etmək niyyətindədir.
Axar.az xəbər verir ki, bu barədə Sobçakın seçki qərargahına yaxın mənbələr informasiya yayıb. Sobçakın konfrasda iştirak edəcəyi halda Rusiya tarixində ilk dəfə ölkə başçısının jurnalistlərlə görüşündə onun potensial rəqibi iştirak etmiş olacaq.
Məlumata görə, namizəd olacağını bir qədər əvvəl açıqlamış Vladimir Putin növbəti dəfə seçki debatlarında iştirakdan imtina edə bilər. Teleaparıcı isə məhz bu səbəbdən Putinin görüşünə getməyi qərara alıb. Sobçakın Putinə hansı sualları ünvanlayacağı hələlik müzakirə edilməyib. Belə ki, jurnalistin akkreditasiyadan keçib-keçmədiyi məlum deyil.
Qeyd edək ki, Rusiya prezidentinin illik mətbuat konfransında iştirak üçün akkreditasiya 21 noyabrda başlayıb və 1 dekabrda başa çatıb.
Tarix
2017.12.07 / 21:30
|
Müəllif
Orxan Tağıyev
|