Rusiya Xarici İşlər Nazirliyi ABŞ-ın İsrail səfirliyini köçürmək qərarı barədə açıqlama istəyib.

Axar.az xəbər verir ki, bu barədə Rusiyanın Xarici İşlər naziri Sergey Lavrov danışıb. Lavrovun sözlərinə görə, ABŞ səfirliyinin Təl-Əvivdən Qüdsə köçürülməsi qərarı Yaxın Şərqdə iki dövlətin – Fələstin və İsrailin yaranması məsələsinin üstündən xətt çəkə bilər.

“Biz səfirliyin Təl-Əvivdən Qüdsə köçürülməsi ilə bağlı qərarın hansı anlamı olduğunu açıqlamalarını və BMT-nin himayəsi altında görülən səylər üçün bu addımların hansı nəticələri olacağını izah etmələrini istədik. Suallar çox olsa da, biz həm ərəb ölkələrinin, həm müsəlman dünyasının, həm İslam Əməkdaşlıq Təşkilatının ehtiyatlandığı mövzulara diqqət çəkmək istədik”, - Lavrov deyib.

Lavrov həmçinin tərəflərin ABŞ-ın yanaşma tərzini müəyyənləşdirmək üçün mütəxəssislər vasitəsilə təmasları davam etdirməyin qərara alındığını bildirib.