Ana səhifə Planet |
“Splashdata” analitik şirkəti 2017-ci ilin ən təhlükəli şifrələrinin reytinqini açıqlayıb.
Axar.az xəbər verir ki, ekspertlər təxminən 5 milyondan artıq qırılan şifrəni təhlil edərək reytinq tərtib edib.
Reytinqin ilk pilləsində ardıcıl 4-cü dəfə “123456” kombinasiyası qərarlaşıb. İkinci pillədə “şifrə” (password-parol) sözü, üçüncü pillədə isə “12345678” kombinasiyası yer alıb.
Rəqəmlərlə yanaşı, bu il həmçinin “Ulduz müharibələri” (Star Wars) filmi ilə bağlı adlar da istifadəçilər tərəfindən seçilən şifrələr arasında qeyd olunub.
Hakerlər isə gündəmi və baş verən hadisələri yaxından izləyərək asanlıqla mədəniyyətlə bağlı terminləri tapa bilib.
Mütəxəssislər həmçinin şifrədə hər hansı bir hərf dəyişikliyinin hesabın təhlükəsizliyini artırmayacağını və qeyd olunan kombinasiyalardan istifadə etməyin məqsədə uyğun olmadığını vurğulayıblar.
Tarix
2017.12.21 / 01:45
|
Müəllif
Orxan Tağıyev
|