Rusiyanın Türkiyədəki səfiri Andrey Karlovun qatili polis əməkdaşı Mövlud Altındaşın telefonunun şifrəsinin qırılması üçün polis təşkilatı İnformasiya Texnologiyaları və Rabitə Təşkilatı ilə birlikdə çalışacaq.

Axar.az xəbər verir ki, bu barədə “Yeni Akit” informasiya yayıb.

Məlumata görə, Türkiyə polisi əvvəlcə telefonun şifrəsini qıra bilmədiyi üçün İsrail şirkəti ilə əməkdaşlığa başlayıb. İsrail şirkəti telefonu ölkə xaricinə çıxarmağı təklif etdiyi üçün danışıqlara Hindistan şirkətləri də qoşulub.

Türkiyə Prezidenti Rəcəb Tayyib Ərdoğan vəziyyətə müdaxilə edərək telefonun ölkədən çıxmaması əmrini verib və bu prosesdə polisin İnformasiya Texnologiyaları və Rabitə Təşkilatı ilə əməkdaşlıq etməsi barədə təlimat verib.