Türkiyə ordusunun baş leytenantı Oğuz Kaan Afrin əməliyyatı çərçivəsində gedən döyüşlərdə şəhid olub.

Axar.az xəbər verir ki, bu barədə Türkiyənin Xarici İşlər naziri Mövlud Çavuşoğlu məlumat verib.

“Vətənimizin mənafeyi uğrunda Afrində “Zeytun budağı” əməliyyatında iştirak edən baş leytenant Oğuz Kaanı şəhid verdik. Şəhidlərimizin qanını yerdə qoymayacağıq. Terrorun kökünü kəsənə qədər mübarizəmizi davam etdirəcəyik. Millətimizin başı sağ olsun”, - Çavuşoğlu bildirib.

Qeyd edək ki, ötən gün türk ordusunun hərbçisi Musa Özalkan “Zeytun budağı” əməliyyatı çərçivəsində Kilisin Gülbaba kəndinin cənub şərqində Burseya dağında baş verən döyüşlərdə şəhid olmuşdu.