Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Fevral 2018


ABŞ-ın hazırladığı qrup türk ordusu ilə savaşa yollandı

Ana səhifə Planet
12 Punto 14 Punto 16 Punto 18 Punto

Suriyanın Afrin bölgəsinə keçən son qrup tanıdığımız PKK terror qrupu deyil.

Publika.az xəbər verir ki, bu iddia ilə təhlükəsizlik üzrə mütəxəssis Mete Yarar çıxış edib.

Onun sözlərinə görə, Afrində Türkiyə ordusu və Azad Suriya Ordusu (ASO) ilə vuruşmağa gedən son qrup yüksək təlim alan peşəkar əsgərlərdən ibarətdir. Mütəxəssis onların hamısının ABŞ silahları ilə keçdiyini deyib. Əsgərlərinin bir hissəsinin Amerika əsgərləri olduğuna işarə edən təhlükəsizlik mütəxəssisi hesab edir ki, PKK terrorçuları normalda gizlətmir.

“Afrinə sonuncu dəfə keçənlərin demək olar ki, hamısı üzlərini bağlamışdı. Paltarları və bədən quruluşları baxımından onlar klassik terrorçular deyil. Afrinə yüksək fiziki məşqlər edən, təlim görən və bir yerlərdə təcrübə keçmiş qrup keçdi. Son keçən qrup tamamilə peşəkar əsgərlərdən ibarətdir. İstifadə etdikləri silahlar da tamamilə Amerika silahlarıdır”, - o bildirib.

Qeyd edək ki, ötən həftə Qəndil (PKK terror təşkilatının əsas qərargahı, Şimali İraqda yerləşir – red.) PYD-nin (PKK terror təşkilatının Suriya qanadı – red.) Afrindəki itkilərini kompensasiya etmək üçün mahala 600 terrorçu göndərib. Türkiyə KİV-inin xəbərinə görə, PKK terrorçuları Münbiç və Kobani kimi bölgələrdən 2 min nəfər dinc sakinlə birlikdə “vətəndaşlara həmrəylik ziyarəti” adı altında Afrinə gətirilib.

Xəbərə görə, terrorçular Rusiya və Suriya rejiminin nəzarətində olan Tel Rifat bölgəsindən keçərək Afrinə daxil olub. Təhlükəsiz mənbələrin məlumatlara görə, Türkiyə Silahlı Qüvvələri və kəşfiyyat qurumları peyk şəkillərinə baxdıqdan sonra terror konvoyunu analiz edib. Konvoyda olan dinc əhali və terrorçuların sayı, həmçinin daşıdığı silahlar ətraflı araşdırılıb.

Konvoyla, xüsusilə Afrindəki terrorçuların istədiyi zenit sistemlərinin göndərildiyi bildirilir.

Türkiyə KİV-inin yazdığına görə, terrorçuların Afrinə keçidləri davam edib. ABŞ-ın müdafiə naziri Ceyms Mettis də PYD terrorçularının Afrinə keçdiyini etiraf edib. O, “Suriya Demokratik Gücləri”nin (əsas hissəsini PYD terror təşkilatı təşkil edir –red.) tərkibindəki bəzi kürdlərinin “İŞİD-lə mübarizədən diqqətinin dağıldığını” və bəzi qrupların Afrinə keçdiyini bildirib. ABŞ Müdafiə Nazirliyi daha əvvəl açıqlamışdı ki, “Suriya Demokratik Gücləri”ndən ayrılaraq Afrinə gedən qruplara dəstəyini kəsəcəklər.

Türkiyə və ABŞ əsgərləri arasında qarşıdurma riskinə toxunan Pentaqonun sözçüsü Erik Pahon ötən həftə bildirib ki, bunun baş verməməsi üçün davamlı şəkildə Türkiyə ilə təmasdadırlar. Lakin Türkiyənin Afrində həyata keçirdiyi “Zeytun budağı” əməliyyatını dəyərləndirən ekspertlər ABŞ və Türkiyənin savaş meydanında gec-tez üz-üzə gələcəyini bildirirlər.

Tarix
2018.02.12 / 11:23
Müəllif
Axar.az
Şərhlər
Digər xəbərlər

Şərqi Qutada ölənlərin sayı 400-ə çatır

Bir dəqiqədə dünyada nə baş verir?

Türkiyə bu dağı bombalamağa başladı

Makron onu təhqir edənlərlə söhbət etdi - Foto

Kreml dərk etmir ki, artıq obyektdir, subyekt deyil - Sıtin

Afrin əməliyyatları dayandırılır - 1 ay...

Əbu Qayt: ABŞ bu münaqişənin 70 illik tarixini bilmir

ABŞ təhdid etdi: Hədəfdə 5 ölkə var

Misirdə 3 min illik 8 firon məzarı tapıldı - 5 il davam edəcək

Ərdoğan səfərbərlikdən danışdı, sayt çökdü

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla