Türkiyə Sahil Mühafizə Komandanlığına aid Morad-1 mobil radar qurğusu Kardak qayalıqlarını 24 saat izləmək üçün Muğlanın Bodrum bölgəsinə gətirilib.

Axar.az xəbər verir ki, Kardak qayalıqlarına 3.5 mil məsafədə qurulan radar həmçinin termal kameralardan istifadə edərək, ərazini nəzarətdə saxlayacaq.

Bölgədə hər hansı sərhəd pozuntusu zamanı isə dərhal Türkiyə Sahil Mühafizəsi Komandanlığına məlumat ötürüləcək.

Qeyd edək ki, Türkiyə ilə Yunanıstan arasında mübahisəli ərazi hesab olunan Kardak qayalıqlarında bir qədər əvvəl yunan gəmilərinin sərhədi pozması iki ölkə arasında gərginliyə səbəb olmuşdu.