Ermənistanın beynəlxalq rezervləri bu il yenidən azalıb.

Axar.az xəbər verir ki, “Joxovurd” qəzeti yanvar ayında ölkənin beynəlxalq rezervlərinin 2,286 milyard dollar olduğunu bildirib. Belə ki, keçən ilin dekabr ayı ilə müqayisədə rezervlər 27 milyon dollar azalıb.

“İlkin görünüşdə problem elə də böyük görünmür. Baş verənlər hökumətin dramın kursunun saxlanılması üçün süni səylərinə işarə edir. Böyük miqdarda dollar sataraq, hökumət çalışır ki, devalvasiyadan yaxasını qurtarsın. Artıq uzun müddətdir Ermənistanın rezervləri xarici valyuta formasında saxlanılır. Belə ki, ölkənin keçmiş baş naziri Tiqran Sərkisyan uzun illər öncə bütün qızıl ehtiyatını satıb”.