Ana səhifə Planet |
Bu gün Suriyada daxili savaşların başlamasının 7 ili tamam olur.
Axar.az xəbər verir ki, 2011-ci ilin martın 15-də Dəra vilayətində bir qrup tələbənin məktəb divarlarına “Ey həkim (Bəşər Əsəd), sıra səndədir” yazması iğtişaşlar üçün sanki qığılcım rolunu oynadı. Növbəti gün isə bütün ölkə ərazisində kütləvi nümayişlər baş qaldırdı. Bəşər Əsəd rejiminin etirazçı kütlələrin qarşısını zor gücü ilə almaq cəhdi ölkəni 7 ildir ki, bitməyən daxili böhrana gətirib çıxardı. Əyalət, şəhər və qəsəbələr müxətlif silahlı qruplaşmaların nəzarətinə keçdi.
Son rəsmi statistikalara görə, Suriyada daxili müharibələrdə 7 ildə 500 minə yaxın insan həlak olub, 2 milyona yaxın insan isə bu və ya digər formada qarşıdurmalar zamanı zərər çəkib.
Bu “cəhənnəm”dən canını qurtarmaq üçün ətraf ölkələrə sığınan suriyalıların sayı isə artıq 13 milyonu ötüb.
Təkcə qardaş ölkə - Türkiyə 3 milyondan çox suriyalıya ev sahibliyi edir.
Tarix
2018.03.16 / 07:00
|
Müəllif
Kamran Ədalət
|