Səudiyyə Ərəbistanının itkin düşmüş jurnalisti Camal Qaşıqçının dindirildiyi və qətlə yetirildiyi anın səs yazısı onun Əpl (Apple) saatının qeydiyyatına düşüb.

Axar.az xəbər verir ki, Qaşıqçı Səudiyyə Ərəbistanının İstanbuldakı Baş Konsulluğunun binasına daxil olmamışdan əvvəl Ayfon (iPhone) smartfonunu nişanlısına verib və Əpl saatını səs yazısı rejiminə keçirib. Smartfon jurnalistin qolundakı Əpl Votç (Apple Watch) ilə sinxronlaşıb. Nəticədə dindirilmə, işgəncə və qətlin səs yazısı avtomatik olaraq Ayfon smartfonuna ötürülüb və sonra Əpl Ayklod (Apple iCloud) proqramına yüklənib.

Səudiyyə Ərəbistanının kəşfiyyat nümayəndələri saatı jurnalistin qolunda gördükdən sonra oradakı məlumatları silməyə cəhd etsə də səs yazılarının bəziləri qorunub. Nəticədə qətlin baş verdiyi və cəsədin hissələrə bölündüyü məlum olub.