Rusiya ilə gərginlik Birinci Dünya müharibəsindən öncəki situasiyaya bənzəyir.

Axar.az xəbər verir ki, bunu “Deyli Star” qəzetinə müsahibəsində Britaniya Hərbi Dəniz Qüvvələrinin keçmiş komandanı Alan Uest deyib. Ukrayna ilə Rusiya arasında Azov dənizində yaranan böhrana nəzər yetirən Alan Uest Qara dənizdə NATO gəmilərinin yerləşdirilməsinin bölgədə vəziyyəti gərginləşdirə biləcəyini deyib:

“Əgər Rusiya Donbasdakı qoşunlarından istifadə etməyə başlasa, Ukraynada genişmiqyaslı müharibə yaranar. Bəs belə olan halda biz nə edəcəyik? Bu ki NATO-ya hücum deyil! Həqiqətənmi biz buraya ordumuzu göndərib, Rusiya ilə Ukrayna arasındakı qaynar savaşa girmək istəyirik? Bu, çox yaxşı sualdır. Əgər biz bunu etməsək, o zaman Ukraynanın məhvinə yol açmış olacağıq. Müharibənin qarşısının alınması üçün Qərbin Rusiyaya təzyiqləri güclənməlidir. Biz hər bir oliqarxa zərbə vurmalı, təkcə ölkəmizdə yox, həm də dünyada onların aktivlərini dondurmalıyıq”.