Talibanda təşkilat daxili çəkişmələr artır. Əfqanıstanın Zabul vilayətində terrorçular arasında baş verən son qarşıdurmada 70 təşkilat üzvü həlak olub.

Axar.az xəbər verir ki, hadisə vilayətin Haki Əfqan və Şahcuy rayonlarında baş verib. Təşkilatın ayrı-ayrı qruplaşmaları arasında baş verən hadisədə xeyli terrorçu yaralanıb.

"Anadolu" agentliyinin məlumatına görə, Zabul təhlükəsizlik qüvvələrinin başçısı Qulam Cilani yeni lider Molla Əhtər Məhəmməd Mənsur tərəfdarlarının daha az itki verdiyini deyib:

"Talibanın yeni lideri Molla Əhtər Məhəmməd Mənsura bağlı terrorçular ilə Mansur Dadullaha məxsus qruplaşma arasında qarşıdurma yaşanıb. Mənsur Dadullahın tərəfdarlarından 60 nəfər öldürülüb. Qarşı tərəf isə 10 silahlısını itirib".

Xatırladaq ki, Taliban lideri Molla Ömər vəfat etdikdən sonra təşkilat daxilində liderlik uğrunda mübarizə daha da artıb.