Yuxarı

Baş onkoloqdan etiraz: Türk həkimlər səhv edir, o xərçəngdir!

Ana səhifə Sağlıq
12 Punto 14 Punto 16 Punto 18 Punto

Biz Mahirə Əliağa qızı Allahverdiyevanın diaqnozuna təkrar baxdıq. Diaqnozu bir də təsdiq elədik. Xanımdan götürülən və diaqnoz üçün bizə gətirilən biopsion material hazırda bizdədir. İstəyirlərsə, komissiya təşkil edilsin və bir daha yoxlanılsın. Xanıma yanlış diaqnoz qoyulmayıb.

Bu sözləri Axar.az-a açıqlamasında Milli Onkologiya Mərkəzinin Baş onkoloqu Azad Kərimli Mahirə Allahverdiyeva adlı pasientin MOM-un həkimi Bahadur Abbasovu ona yanlış diaqnoz qoymaqda ittiham etməsinə münasibət bildirərkən deyib.

Baş onkoloq bildirib ki, burada söhbət xərçəng xəstələrindən getdiyi üçün bir qədər ehtiyatlı olmaq lazımdır. Çünki belə diaqnozlar həmin şəxslərin birbaşa özünə deyilmir.

Allahverdiyevada “səs tellərində xərçəng şişi” diaqnozunun doğru olması haqqında danışan baş onkoloq bildirib ki, xarici ölkələrə üz tutan xərçəng xəstəliyindən əziyyət çəkən vətəndaşların yenidən MOM-a ağırlaşmış formada müraciət etdiyi hallar da olur:

“Mən özüm dəfələrlə Türkiyədə olmuşam. Elə bilirsiniz Türkiyədə tibbin səhvi yoxdur? Türkiyənin özündən, İrandan buraya o qədər ağırlaşmış xəstələrimiz gəlir ki! Mahirə Əliağa qızı Allahverdiyevadan biopsion material Neftçilər Xəstəxanasında götürülüb, bizim laboratoriyaya göndəriblər. Bizim həkim də baxıb, “yastı hüceyrəli xərçəng, başlanğıc mərhələ” diaqnozunu qoyub. Xanımın bəxti gərib ki, başlanğıc mərhələdə bunu bilib. Yəni başlanğıc mərhələdə nə olursa, bu, həmin şəxsin xeyrinədir.

Biz dünən Axar.az-da dərc edilən yazıdan sonra həmin preparata bir də baxdıq və diaqnozu bir də təsdiq elədik. Biz öz sözümüzün üstündə dururuq. Həmin xanım bizdə əməliyyat olunmayıb. Biopsion material isə hazırda bizdədir. Biz öz sözümüzdən qaçmırıq. Xanıma yanlış diaqnoz qoyumayıb. Bu analizdə yanlışlıq mümkün deyil”.

Baş onkoloq bu cür həssas məqamlarda jurnalistlərin və medianın daha diqqətli olmasını xahiş edib:

“Biz bütün jurnalistlərdən rica edirik ki, Milli Onkologiya Mərkəzi ilə bağlı hər hansısa material olduğu zaman bizimlə, şəxsən mənimlə aydınlaşdırın, araşdırın. Aydınlaşdırıb, araşdırma apardıqdan sonra dərc edin”.

Qeyd edək ki, Mahirə Allahverdiyeva adlı pasient Milli Onkologiya Mərkəzinin həkimi Bahadur Abbasovu ona səhvən xərçəng diaqnozu qoymaqda ittiham edib. Pasient bildirib ki, Türkiyənin İzmir şəhərində verdiyi analizdə onda xərçəng xəstəliyi aşkarlanmayıb.

Tarix
2018.02.22 / 14:09
Müəllif
Nigar, Nərmin
Şərhlər
Digər xəbərlər

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla