İran Rusiya-Türkiyə yaxınlaşmasından narahatdır.

Axar.az xəbər verir ki, bu sözləri Türkiyə Xarici İşlər Nazirliyinin adı açıqlanmayan nümayəndəsi Ankarada jurnalistlərə açıqlamasında deyib.

O bildirib ki, İran hökuməti Suriya məsələsindən kənarlaşdırılacağından qorxur:

“Rusiya ilə Su-24 böhranını geridə qoyduqdan sonra Suriya mövzusunda önəmli məsafə qət etdik. Təbii ki, bu da İranı narahat edir. Suriya məsələsində Rusiya-Türkiyə yaxınlaşmasını qəbul edə bilmirlər. İran tərəfi "Bölgə ölkələri olaraq əməkdaşlıq edək və digər ölkələri (Qərb dövlətləri) bu məsələyə cəlb etməyək" deyir”.

Türkiyə rəsmisi onu da əlavə edib ki, İranda radikal dairələr ABŞ-da Donald Trampın hakimiyyətə gəlişindən xeyli məmnundurlar.