Xarici İşlər Nazirliyinin mətbuat xidmətinin rəhbəri Hikmət Hacıyev bu gün nazirlikdə mətbuat konfransı keçirib.

Axar.az xəbər verir ki, Ağdam rayonunun işğalınının 23-cü ildönümünə və cari məsələlərə həsr olunan mətbuat konfransında H.Hacıyev əvvəlcə Xarici İşlər Nazirliyinin Ağdamın işğalının 23-cü ildönümünə həsr olunmuş bəyanatını səsləndirib.

O qeyd edib ki, məsələyə BMT Təhlükəsizlik Şurasın qətnamələri çərçivəsində yanaşsaq, 888 saylı qətnamədə birbaşa bu məsələyə toxunulub:

"Qətnamələr öz aktuallığını saxlamaqdadır. Onların həyata keçirilməsi üçün vaxt məhdudiyyəti yoxdur. Bu məsələ aktualdır və hər bir platformada Azərbaycan tərəfindən qaldırılır".

Onun sözlərinə görə qətnamənin həyata keçirilməsi üçün ATƏT-in Minsk Qupunun həmsədr ölkələri, ilk növbədə isə Ermənistan bu qətnamələri yerinə yetirmək öhdəliyi götürüb.