Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 Oktyabr 2018


İrəvanın ermənilərə verilməsinin 100-cü ili - AŞPA-da müzakirə

Ana səhifə Siyasət
12 Punto 14 Punto 16 Punto 18 Punto

Böyük üzüntü ilə qeyd etmək istəyirəm ki, bu il qədim İrəvan bölgəsinin zorla Azərbaycandan alınaraq, Ermənistana verilməsinin 100 ili tamam olur.

Axar.az xəbər verir ki, bu gün millət vəkili, AŞPA Azad Demokratlar Qrupunun vitse-prezidenti Qənirə Paşayeva AŞPA-da azərbaycanlılarının 1948-53 və 1988-ci illərdə öz ata-baba torpaqlarından, yəni bugünkü Ermənistandan deportasiya edilməsi məsələsini qaldırıb. Millət vəkili AŞPA-da önəmli çağırışlar edib:

“Əziz dostlar, 2018-ci il Azərbaycan tarixi üçün böyük önəm daşıyan bir hadisənin 100-cü ildönümü ilə yadda qaldı. Bütün müsəlman şərqində ilk dəfə Azərbaycanda qurulan cümhuriyyətin və parlamentin 100-cü ildönümünü dünyanın əksər beynəlxalq təşkilatlarının rəsmi nümayəndələri, onlarla xarici ölkənin yüksək vəzifəli təmsilçiləri ilə birlikdə qeyd etdik. Azərbaycan düz 100 il əvvəl qadınlara seçmək və seçilmək haqqını verəndə dünyanın əksər ölkələrində qadınlar bu haqlara malik deyildilər”.

Millət vəkili vurğulayıb ki, XIX və XX yüzilliyin əvvəllərində ermənilərin Cənubi Qafqazda yerləşdirilməsi prosesini çar hökumətinin mötəbər arxivləri əsasında öyrənmiş rus araşdırıcısı N.Şavrov 1911-ci ildə nəşr etdirdiyi “Qafqazda Rusiya işinə yeni təhlükə” adlı kitabda göstərirdi ki, XX yüzilliyin əvvəllərində Qafqaza yaşayan 1 milyon 300 min erməninin 1 milyonu Qafqaza ruslar tərəfindən köçürülüb:

“1931-ci ildə Moskvada nəşr edilmiş Zaqafqaziya xəritəsində Ermənistan ərazisindəki coğrafi adların 78,1 faizi Azərbaycan, yalnız 3,45 faizi erməni mənşəlidir. Amma Ermənistan rəsmiləri uzun illər etnik təmizləmə siyasəti aparmaqla bərabər, azərbaycanlılara məxsus tarixi-mədəni abidələri də məhv ediblər”.

Millət vəkili bildirib ki, 1948-ci ildə Ermənistandan yüzminlərlə azərbaycanlının deportasiyasının 70-ci ilinin tamam olması da unudulmamalıdır:

“Ermənistan rəhbərliyinin törətdiyi bu dəhşətli cinayətlərə beynəlxalq ictimayyətin ciddi təzyiqlərinin olmaması yeni cinayətlərin əsasını qoydu. Böyük qəlb ağrısı isə qeyd etməliyəm ki, 1988-ci ildə Ermənistan rəhbərliyi dəhşətli bir etnik təmizləmə siyasəti apararaq bütün azərbaycanlıları evlərindən zorla qovdu. Bütün dünyanın gözləri qarşısında baş verən bu dəhşətli cinayətin bu il 30 ili tamam olur. Bu günə qədər də onminlərlə azərbaycanlı qaçqının öz evlərinə dönə bilməsi haqları Ermənistan tərəfindən tanınmır. Təşkilatımızı bu məsələləri də gündəmdə saxlamağa və o insanların səslərini duymağa çağırıram”.

Tarix
2018.10.12 / 15:42
Müəllif
Aygün Yusibova
Şərhlər
Загрузка...
Digər xəbərlər

"Dqr"i tanımırıq, "xartiya"nı da... - Fransadan cavab

Azərbaycan Ermənistanı bir günə məhv edəcək – Rus ekspert

XİN-dən Şuşaya səfər edən fransız merlə bağlı - Açıqlama

Paşinyanın bu addımı müharibəyə aparır - Mixaylov

Bu qruplar anons etdi: İrəvanı qarşıdurma gözləyir – Şərh

İlham Əliyev İmişlidə açılışlar etdi - Foto

Azay Quliyev "Star" layihəsindən danışdı

İlham Əliyev AİB-nin vitse-prezidenti ilə görüşdü - Yeniləndi

Misir mətbuatı Azərbaycanın Fələstinə yardımından yazdı

Səfirimiz iranlı nazirlə görüşdü - Foto

KULT
<>
Xəbər xətti
 
  
  
  
  
  
Axar.az'da reklam Bağla
Reklam
Bize yazin Bağla