Zığ sürüşmə sahəsində mənzilləri qəzalı vəziyyətə düşən sakinlərə torpaq sahəsi veriləcək. Bunun üçün paytaxtın Zığ qəsəbəsində, Əmircan-Hövsan yolunun 5-ci kilometirliyinin yaxınlığında yer ayrılıb.

İlkin mərhələdə bu əraziyə evləri yaşayış üçün tam olaraq təhlükəli vəziyyətə düşmüş 48 ailənin köçürülməsi planlaşdırılır.

Suraxanı İcra Hakimiyyəti başçısının Zığ qəsəbəsi üzrə nümayəndəsi Cəlaləddin Əhmədov deyir ki, ərazi kommunal xidmət sahələri ilə tam təmin olunur. Bura köçən sakinlərin mənzillərərinə bu xidmət sahələri dövlət vəsaiti hesabına çəkiləcək.

Ancaq Zığ sakinləri sözügedən ərazilərə köçməkdə elə də maraqlı deyillər. Çünkü həmin ərazidə ev tikmək üçün sakinlərə qəzalı vəziyyətə düşən evlərinin qarşılığında kompensasiya verilmir.

Cəlaləddin Əhmədov isə deyir ki, sakinlərin bu istəyi nəzərə alınaraq Nazirlər Kabinetinə əlavə məktub ünvanlanıb.

Axar.az Xəzər Xəbər-ə istinadən mövzu ilə bağlı daha ətraflı videomaterialı təqdim edir: