Bakı şəhəri, Suraxanı rayonunda vətəndaşa məxsus ümumi sahəsi 90 kv.m olan birmərtəbəli, 4 otaqlı evin 3 otağının yanar konstruksiyaları və dam örtüyü 53 kv.m sahədə və ona bitişik tikilmiş vətəndaşa məxsus ümumi sahəsi 70 kv.m olan birmərtəbəli, 2 otaqlı evin dam örtüyü 15 kv.m sahədə yanıb.

FHN-in mətbuat xidmətindən Axar.az-a verilən məlumata görə, yanğının kəşfiyyatı zamanı yanğınsöndürənlər tərəfindən 1958-ci il təvəllüdlü İsmayılov Nəriman Vəli oğlunun yanmış meyiti aşkarlanıb.

Evlərin qalan hissəsi yanğından mühafizə olunub. Yanğın saat 04:46-da yanğınsöndürənlər tərəfindən söndürülüb.