Ötən illərlə müqayisədə Azərbaycana donuz ətinin idxalı artıb, azalıb?

Komitənin İnformasiya və ictimaiyyətlə əlaqələr şöbəsinin müdir müavini Leyla Kərimova Modern.az-ın sorğusuna cavab olaraq bildirib ki, 2017-ci ilin yanvar-iyun aylarında Azərbaycana 1241,8 min ABŞ dolları məbləğində 1104,2 ton təzə, soyudulmuş və ya dondurulmuş donuz əti idxal olunub.

L.Kərimoanın sözlərinə görə, İspaniyadan 281, 3 min dollarlıq 304, 4 ton, Braziliyadan 392,5 min dollarlıq 292,1 ton, Kanadadan 129,7 dollarlıq 184,1 ton, Niderlanddan 197,3 min dollarlıq 128,8 ton, Avstriyadan 45,9 dollarlıq 76,3 ton, Belçikadan 97,5 min dollarlıq 38,3 ton, İtaliyadan 13,2 min dollarlıq 25,2 ton, Danimarkadan 50, 7 min dollarlıq 25 ton, Almaniyadan 11,1 min dollarlıq 25 ton donuz əti gətirilib. Digər ölkələrdən isə 21, 6 min dollarlıq 5 ton donuz əti idxal olunub.

Komitənin ötən il üçün açıqladığı məlumatlarda Azərbaycana müxtəlif ölkələrdən 1971, 5 min dollarlıq 1413, 1 min ton donuz əti idxal edildiyi göstərilib. 2016-cı ildə əsasən Kanda, Braziliya, İspaniya, İtaliya, Niderland, Avstriya, Belçika, Danimarkadan idxal olunduğu bildirilib.