Ana səhifə Toplum |
Milli Məclisin sabiq deputatı Qalib Salahzadənin oğlu Əlihüseyn Salahzadənin həbs qətimkan tədbirindən verdiyi şikayətə baxılıb.
Axar.az xəbər verir ki, bu gün Bakı Apelyasiya Məhkəməsində hakim İlqar Murquzovun sədrliyi ilə baş tutan prosesdə qərar elan edilib. Hakimlər kollegiyasının qərarına əsasən, Əlihüseyn Salahzadənin şikayəti təmin edilməyib. Nəsimi Rayon Məhkəməsinin qərarı dəyişdirilmədən saxlanılıb.
Xatırladaq ki, Nəsimi Məhkəməsində sentyabrın 13-də Əlihüseyn Salahzadı barəsində 3 ay müddətinə həbs qətimkan tədbiri seçilib.
O, Cinayət Məcəlləsinin 315.2-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi isə ittiham olunur. Ə.Salahzadə hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etməkdə təqsirləndirilir.
Zərərçəkmiş qismində Elbəy Mirzəyev tanınıb.
Əlihüseyn Salahzadənin vəkili bildirib ki, zərərçəkmiş şikayət ərizəsini geri götürüb.
Tarix
2017.09.20 / 11:28
|
Müəllif
Hacı Zeynalov
|