Ana səhifə Toplum |
Güney Azərbaycanda Əbhər məntəqəsinin Mərşun kəndindəki otlaqlaqlarda yanğın baş verib.
Axar.az xəbər verir ki, bu barədə Əbhər Böhranları İdarəetmə Mərkəzinin rəisi Səid Xələci İRNA xəbər agentliyinə danışıb.
“Mərşun kəndi otlaqlarında çərşənbə günü axşam saatlarından yanğın başlayıb. Yanğın çətin və keçilməz ərazidə baş verdiyi üçün yanğınsöndürən maşınlar hadisə yerinə gedə bilmir”, - deyə o bildirib.
O bildirib ki, yanğın geniş əraziyə yayılır:
“Yanğın Qəzvinə tərəf yayılır. Lakin onun daha çox yayılmaması üçün əraziyə Böhranları İdarəetmə Mərkəzinin xilasetmə qrupları göndərilib. İlkin hesablamalara görə, hazırda Əbhər və Qəzvin şəhərləri arasında yerləşən Mərşun kəndi otlaqlarında 60 hektar otlaq məhv olub. Hadisənin səbəbləri araşdırılır”, - deyə S.Xələci bildirib.
Qeyd edək ki, Əbhər və Xürrəmdərə şəhərlərinin əhalisi yanğından mühafizə əməliyyatını təbii imkanlar vasitəsi ilə həyata keçirir.
Tarix
2017.09.22 / 12:57
|
Müəllif
Aytac Qədirova
|